PICICA: "Cómpre enxergar os novos tempos cun chisco de ironía."
Onte 74: «Mellorserá»
A vitoria esmagadora do Partido Popular, a pesar de que estaba cantada, entristeceunos. En Galicia
foron moi raquíticas as ledicias para a esquerda: o mantemento dos
escanos do BNG, mesmo a pesar da súa lixeira perda de apoios; e a
notable subida de Esquerda Unida, que triplica o seu número de votos e
que na provincia de Pontevedra supera a barreira do 5%. O fracaso do
PSdeG-PSOE foi brutal, sen facer diferenzas entre Blancos, Pachis,
Caballeros ou Camaños, unha desfeita que non se pode agochar. Con estes
resultados diante, a posibilidade de reconstruír unha alternativa ao
actual Goberno de Feijóo é hoxe inverosímil. Por riba, ver cara os
resultados de Catalunya e Euskadi
dá envexa, dúas nacións cuxo comportamento político enxerga horizontes
de maior autogoberno. No entanto, non é posible abandonarse na
desolación. Quizais agoirando o que viña enriba, antes de coñecer o
resultado electoral, publiquei este tuit motivado polas recentes derrotas celestes:
«Cómpre enxergar os novos tempos cun chisco de ironía. Mudar a
«Mellorserá» é unha das propostas para o Celta e para o país.» O
progresismo e o nacionalismo galego non poden conformarse con este
lamentable resultado nun entorno conservador e recentralizador que dá
moito medo.
Fuente: Brétemas
Nenhum comentário:
Postar um comentário